Related Posts
Category : Sports
IND VS AUS T20 – આજે બીજી મેચ રમાશે, કેવુ રહેશે વાતાવરણ જાણો
ભારત અને ઓસ્ટ્રેલિયા વચ્ચે પાંચ મેચની T20 સીરીઝની બીજી મેચ 26 નવેમ્બર, રવિવારના રોજ રમાશે. આ મેચ માટે બંને ટીમો તિરુવનંતપુરમના ગ્રીનફિલ્ડ સ્ટેડિયમમાં ટકરાશે, પરંતુ આ મેચ પહેલા હવામાન ભયંકર છે. મેચના એક દિવસ પહેલા શનિવારે અહીં ભારે વરસાદ થયો હતો, જેના કારણે આખું મેદાન પાણીથી ભરેલું દેખાયું હતું. જો કે પિચ કવર કરવામાં આવી હતી, પરંતુ ચિંતાની વાત એ છે કે રવિવારે પણ વરસાદની સંભાવના છે.
તિરુવનંતપુરમમાં રવિવારે સવારે પણ વરસાદની સંભાવના છે. હવામાન વિભાગના અહેવાલ મુજબ બપોર સુધીમાં વરસાદની 55 ટકા શક્યતા છે. આ સમયગાળા દરમિયાન, વાવાઝોડા સાથે ભારે વરસાદની અપેક્ષા છે, પરંતુ સાંજે હવામાન સ્વચ્છ રહેવાની ધારણા છે. આવી સ્થિતિમાં ચાહકોને સમગ્ર મેચનો રોમાંચ જોવા મળી શકે છે પરંતુ આગામી 24 કલાક સુધી રાજ્યમાં ખરાબ હવામાનના સંકેતો છે.
વર્લ્ડ કપ બાદ ભારતીય ક્રિકેટ ટીમ પોતાની પ્રથમ દ્વિપક્ષીય શ્રેણી રમવા મેદાનમાં આવી છે. જો કે ટીમના ટોચના ખેલાડીઓને બ્રેક આપવામાં આવ્યો છે. આવી સ્થિતિમાં સૂર્યકુમાર યાદવ ટી-20 શ્રેણીની કેપ્ટનશીપ કરી રહ્યો છે. સૂર્યકુમારની કપ્તાનીમાં ટીમ ઈન્ડિયાએ પ્રથમ મેચ જીતીને શ્રેણીમાં 1-0ની લીડ મેળવી લીધી છે.
Load more
